CAGAYAN DE ORO CITY-Gi-presyur karon sa komitiba sa kooperatiba sa konseho ang Cagayan de Oro Water District o COWD nga ilugwa ang kopya sa ilang kontrata tali sa Rio Verde Water Consortiom.
Kini aron masuta kon tinood ang gisulti sa COWD nga may audit findings nga depektoso ang ilang napirmahan nga kontrata sa Rio Verde.
Gipasar ni Kag Eric Salcedo,chairman sa cooperative committee ang konseho aron masayod ang katawhan kon wala magtinunto ang COWD sa ilang gipanulti.
Unang namugos ang COWD nga gimanduan sila sa COA nga mokaso’g contract termination batok Rio Verde hinungdang bag-ong venture partner nila ang Metro Pacific Water Investments Corporations.
Samtang i-konsulta sa COWD sa ilang mga abogado kon angay nila hataga’g kopya sa kontrata tali Rio Verde ang konseho sa syudad.
Kini human unang gibutyag ni COWD General Manager Engr Rachel Beja nga gi-terminate nila ang kontrata tali Rio Verde kay may kaso sa Ombudsman ug depektoso.
Namugos si Beja nga pabiling confidential ang mga gisudlang kontrata sa COWD sa Rio Verde hinungdang dili basta-basta malugwa atubangan sa publiko.
Sa pikas bahin,buhi-o’g balik sa hugpong kooperatiba ang ilang position paper nga nagtinguha mahimong kabahin sa modula sa COWD.
Kini human gihingusgan ni Kag Eric Salcedo sa konseho nga angay ipaubos sa kooperatiba ang COWD nga nakaangkon sa dakong alkanse sa ilang pagserbisyo sa katawhan.
Miingon si Mansueto de la Penia sa cooperative devt authority o CDA nga kaya nila madumala ang COWD aron dili
mosamot ang pagkalugi niini.
Una nang nagduda kaniadto nga depektoso ang kontrata nga pirmado sa COWD ug Rio Verde diin nakompirma kini mismo sa Commission on Audit o COA findings sa miaging katuigan.
