CAGAYAN DE ORO CITY – Kabahin si Bb Pilipinas 12 Cindy Obeñita gikan sa Cagayan de Oro City,Misamis Oriental sa milangkob sa official top 10 candidates alang sa best in national costume competition ning tuiga.
Kini subay sa officials votes nga natigom sa Bb Pilipinas gikan sa online supporters sa 34 ka kandidata sa maong indigay sa kaanyag.
Gawas kang Cindy,sulod usab sila Samantha Panlilio sa Cavite;Vianca Marcelo sa Bocaue, Bulacan;Hannah Arnold sa Masbate;Ma. Ruth Erika Quin sa Nueva Ecija;Carina Cariño sa La Union;Czarina Guiao sa Pampanga;Francesca Taruc sa Angeles City, Pampanga;Honey Cartasano sa Rizal ug Lesley Anne Ticaro gikan sa Tagum City.
Si Cindy ang kanhi Ms CdeO 2019 ug natahasan sa provincial government sa Misamis Oriental ubos ni Gov Bambi Emano nga mo-representar sa maong indigay diin nakaangkla sa programang turismo sa probinsya.
Tungod sa maong anunsyo,ipaubos sa laing hugna sa votation ang 10 ka kandidata aron hingpit ilhon ang modaug sa best in national costume atol sa grand coronation night.
Pilion gikan sa 34 candidates ang mohupot sa korona alang sa Bb Pilipinas International, Bb Pilipinas Grand International,Bb Pilipinas Intercontinental ug Bb Pilipinas Globe.Himoon ang coronation night sa kauluhan sa Hunyo ning tuiga.
Hisayrang sa gusto mo-apas pagbotar pinaagi sa online ipadala lamang sa https://vote.bbpilipinas.com/ aron maihap pabor sa mga kandidata nga anaa sa 10 top.
