CAGAYAN DE ORO CITY-Gidayeg ni City Mayor Oscar Moreno ang kapolisan pagsikop sa giingong prime suspect pagpusil-patay kang RTA enforcer Chris Cabinggas diha sa Yacapin-Roa Sts sa miaging adlaw.
Kini human gibutyag sa kapolisan nga nagtinguha na usab si Mohaimen Macauyag nga mohimo’g pagpamusil sa laing target victim hinungdang gilayong gisikop.
Nanghinaut si Moreno nga hingpit nang mahatag ang hustisya sa kamatayon ni Cabinggas nga unang gipusil sa suspek samtang nag-trabaho sa Guillermo-JR Borja Sts sa syudad niadtong Disyembre 2016.
Hisayrang gihimakak ni Macauyag ang pasangil batok kaniya.
