CAGAYAN DE ORO CITY-Ipatuman sa kapolisan kuyog ang militar ang maximum tolerance alayon sa ikatulo ka State of the Nation Address o SONA ni Pres Rodrigo Duterte ning syudad.
Gibutyag ni COCPO spokesperson Supt Mardi Hortillosa nga gi-istrikto nila ang pagkuha permit sa tanan progresibong pundok nga mupahigayon ug rally dungan sa SONA ni Duterte.
Subli nagpadumdom ang kapolisan nga dili dalahigon ang mga bata sa pagsalmot sa bisan asang demonstrasyon kay nakasupak kini balaod ug mahimo silang kasuhan sa child abuse.
Hinoon, gikompirmar ni Hortillosa nga all set na ang ilang ipatuman nga security measure alang sa SONA ni Duterte sa Batasang Pambansa sa kauluhan.
