CAGAYAN DE ORO CITY – Pahimuslan sa Chamber of Thrift Banks (CTB) ang paggamit sa AI o artificial intelligence sa banking.
Atol sa ilang ika-50 nga anibersaryo, miingon si Chamber of Thrift Banks (CTB) President Cecilio Paul San Pedro nga nakita ang mas paspas nga pag-uswas sa merkado kung mugamit sila sa AI.
Kini nga lakang kabahin sa ilang padayon nga inisyatiba aron makasunod sa paspas nga pagbag-o sa teknolohiya ug aron mas makaalagad sa ilang mga kliyente.
Dugang ni San Pedro nga ang paggamit sa AI maoy maghatag ug dalan aron mapadali ang ilang proseso sa serbisyo, sama sa pag-aplay og mga pautang, o uban pang serbisyong pinansyal.
Gawas niini, gipamugos sa Chamber of Thrift Banks (CTB) nga ang AI makatabang sa mga bangko nga pasimplehon ang paghatag sa data o impormasyon nga nakolekta gikan sa mga kustomer.
Lakip sa naglangkob sa CTB mao ang Queen City development bank, nga gidumala ni Bombo Radyo Philippines Network – Chairperson ug Chief Executive Officer Margaret Ruth C. Florete.
Nailhan ang Queenbank sa ilang dedikasyon sa paghatag ug pinansyal nga serbisyo nga makapasayon ​​sa kinabuhi sa ilang mga kliyente.
Pinaagi sa tabang sa CTB, ang Queenbank nagpadayon nga mahimong epektibo sa pagpalambo ug pag modernize sa sektor sa ‘thrift banking’.
Natuki ang pagamit sa AI Banking sa sa panel of discussion nga gitampuhan nila Queenbank CEO Margaret Florete; Ma. Mary Jane Perreras, Auditor sa CTB; ug Mr. Emilio Neri Jr., Senior Vice-President sa Bank of the Philippine Island sa Post Covid Economic Trends.
Namahayag si Neri nga gikinahanglan tabangan sa mga bangko ang ilang mga kliyente sa teknikal nga aspeto sa paggamit sa IA, lakip na sa agriculture o food manufacturing, kay tipik kini sa rasin sa pagsaka sa inflation.
Gawas niini, daku’g tabang ang paghatag sa floating interest, diin mas makabenepisyo ang mga kliyente sa ubos nga interest rates.
Masaligon ang CTB nga dili lang ang publiko ang makabenepisyo niini apani lakip na ang nasud.
