Gi-kumpirmar ni Department of Interior and Local Government (DILG) Secretary Jonvic Remulla nga magpagawas sa subpeona ang Criminal Investigation and Detection Group (CIDG) batok kang Senator Ronald “Bato” dela Rosa.
Apan, giklaro ni Remulla nga dili kini usa ka arrest warrant kondili kabahin lamang sa imbestigasyon nga may kalabotan sa mga reklamo sa giingong “extrajudicial killings” sa war on drugs sa panahon ni kanhi Presidente Rodrigo Duterte.
Dugang pa niya, wala pa siyay nakit-an nga kopya sa arrest warrant gikan sa International Criminal Court (ICC) batok sa senador, ug giingon usab sa ICC nga wala pa silay gipagawas nga public arrest warrant.
Matod usab ni Remulla nga dili ipadayon sa DILG ang plano nga pag-deploy sa 10,000-man task force, apan magpadayon gihapon ang PNP-CIDG sa pag-pangita aron ipahamtang ang subpeona kang dela Rosa
