CAGAYAN DE ORO CITY – Gi-depensa sa liderato sa Cagayan de Oro City Police Office ang pagkasikop pinaagi sa warrant of arrest sa edaran nga kanhi CPP-NPA SPARU member nga akusado pagpusil-patay sa anak ni City Mayor Rolando ‘Klarex’ Uy nga si late Carmen Brgy Kag Roland ‘Tawee’ Uy samtang nagtagu-tago sa Purok 6,Brgy Cabasagan,Lala,Lanao del Norte.
Kini human nagduda ang pipila ka netizens sa social media nga ‘fall guy’ ang akusado nga si Edgardo Gaabucayan nga gidakop sa tropa sa City Mobile Force Company gumikan sa maong salaod.
Gibutyag ni COCPO spokesperson Maj Evan Viñas nga taas nga proseso ang giagian sa SITG-Uy aron malugwa ang mando sa korte nga pagdakop kang Gaabucayan tungod sa kasong double murder.
Gi-akusar sa kapolisan nga pagdumot ang pagpatay kang Kag Tawee diin gidamay pagpusil sa motorcycle in tandem suspects ang iyang empleyado nga si Samuel Pabalan sa ilang quarry site sa Brgy Pagatpat ning syudad sa miaging Nob.11,2021.
