Dinaliang ginasusi sa Commission on Elections (COMELEC) ang kahimtang sa mga tunghaan nga posibleng makabalda sa pagpahigayon sa umaabot nga piniliay.
Sumala ni COMELEC Chairman George Erwin Garcia, gumikan kay kasagaran sa mga botante adto man nagasalig sa mga pampublikong tunghaan sa matag barangay, nangita na sila og mga dinaliang alternatibo.
Gibutyag sa opisyal nga kung dili na luwas gamiton ang maong mga gambalay, andam ang ahensya nga mobalhin og laing lokasyon o kaha magpatindog og mga makeshift voting booths sa mismong dapit.
Gihimo kini nga lakang aron masiguro nga dili mapalayo ang botante sa mga apektadong residente ug magpabiling hapsay ang dagan sa eleksyon.
Sa pagkakaron, padayon ang pakig-alayon sa buhatan sa COMELEC ngadto sa mga lokal nga kagamhanan ug DPWH alang sa pormal nga assessment sa mga poll sites.
