CAGAYAN DE ORO CITY – Nagtoo si Citizens Watch for Good Governance o CWGG 10 convenor Atty Antonio Soriano nga mapakyas lang ang kamarabaha nga langkaton sa katungdanan si Vice Pres Sara Duterte pinaagi sa impeachment case nga isaka nila sa senado.
Kini kon basehan ang kasamtangang mga senador nga naglingkod sa senado diin daghan kanila ang suporters ni kanhi Pres Rodrigo Duterte ug VP Sara.
Miingon si Soriano nga gawas kon mas daghan ang mga kandidato nga modaug ubos sa linya ni Pres Bongbong Marcos sa 2025 elections,mapalagpot si VP Sara.
Hisayrang nagkinahanglan sa 16 ka senador nga pabor sa maong kaso aron mapalagpot sa katungdanan si VP Sara.
