Kinahanglan mangitag pamaagi ang gobyerno aron makontrol sa presyo sa bugas sa merkado.
Kini ang panawagan sa grupong Bantay Bigas, human nila hiniusang gikondinar ang mga anunsyo ug pasidaan sa Department Agriculture nga musaka ang presyo sa bugas sa Setyembre.
Miingon si Cathy Estavillo, spokesperon sa grupo nga inay maningkamot ang DA aron mahaw-as sa tumang kalisud ang mga kabus, gilauman naman hinoon nga madugangan pa ang ilang pas-anon nga gasto tungod sa pagmahal sa presyo sa bugas.
Nagtoo si Estavillo nga “mind conditioning” ang gihimo sa gobyerno, inay babagan ang pagsaka sa presyo sa abono, pestisidyo ug lana.
Tungod sa pahayag ni DA Secretary Francisco Tiu Laurel, taas ang tsansa nga mas magkalisud ang nga kosumante, mga lokal nga mag-uuma, ug bisan ang anaa sa transport sektor tungod sa laing hadla sa oil price hike karong Martes.
