CAGAYAN DE ORO CITY – Gimando ni Tagoloan Mayor Atty Nadya Emano-Elipe sa kapolisan ang lapad nga pagpangita batok sa gitoohang habal-habal driver nga milugos sa dalagita nga igo lang miapil sa Cantago Festival sa maong lungsod sa miaging gabii.
Gikasubo sa mayora ang gidangatan sa biktima hinungdang gipasalig niini ang dinalian nga pagdakop sa nakasibat nga suspek.
Siya mingon nga may person of interest na si Tagoloan Police Station commander Capt. Enrique Dungog kabahin sa hitabo.
Una nang gikompirmar sa kapolisan nga nakuha gyud ang pagka-babaye sa maong biktima subay sa resulta sa medico legal gikan sa ospital.
