Gi-protestahan sa baga nga ihap sa mga mag-uuma sa Don Carlos Bukidnon, ang Department of Agrarian Reform (DAR) Region 10.
Ang lihok protesta, sumala ni Pat Jared Panganithon, policy officer sa Policy and Communication Officer sa Philippine Movement for Climate Justice sa Mindanao (PMCJ), nagsimbolo sa ilang kalagot sa ahensya nga hangtud karon wala pa gihatag kanila ang ilang Certificate of Land Ownership Award kon CLOA.
Namahayag ang mga mag-uuma nga mu-abot na sa 38 ka tuig ang paghulat nga iahatg kanila ang titulo sa yuta nga ilang gitikad.
Hinoon, gitin-aw sa Don Carlos, Bukidnon United Farmers Association, Incorporated ang personal nga usa lang ka simpli nga pagprotesta ang ilang gilusad aron mahatud nila ang ilang petisyon sa Regional Director sa ahensya ug aron makadawat ang pinal nga resolusyon.
Una niini, mitug-an ang mga mag-uuma nga susama sa nahitabo sa mobilisasyon niadtong Hulyo 3, 2025, gikapoy na sila sa pagpaminaw sa balik balik nga mga rason apan walay konkretong aksyon.-
