‘Protektahan ta mo. Ako ang manubag sa tanan.’
Kini ang mensahe nga gipaabot ni kanhi Pres Rodrigo Duterte sa tanang katawhan sa Pilipinas pipila ka oras minutos sa wala pa mitugpa ang gisakyan niya nga eroplano sa The Netherlands kaganihang kadlawon oras dinhi sa Pilipinas.
Miingon si Duterte nga dili lang mabalaka ang katawhan sa iyang kahimtang kay buhaton niini ang tanan aron e-depensa ang kaugalingon kabahin sa gipatuman nga palisya sa gubat kontra illegal nga droga dinhi sa nasud.
Siya miingon nga gibuhat niya ang pag-atubang sa International Criminal Court o ICC diin nakasang-at ang mga reklamo sa mga nanumbong batok kaniya kay kini ang iyang saad nga proteksyonan ang mga pulis ug mga sundalo nga nagbuhat lang sa ilang trabaho.
Dumduman nga pasado alas 11:00 sa gabii sa Pilipinas sa adlaw’ng Martes nga gibiyahe si Duterte kuyog sa mga otoridad gikan sa Pilipinas ug ning orasa pa nahidangat ang ilang eroplano sa tugpahanan sa The Netherlands.
Hisayrang paspas usab nga miapas si Vice Pres Sara Duterte ug Davao City 1st District Cong. Paolo Duterte sa lokasyon ni Digong sa maong nasud.
