CAGAYAN DE ORO CITY – Gigarantiya sa bihag sa NPA nga si PO2 Gerome Anthony Natividad nga anaa siya sa maayong kahimtang sulod sa dul-ag 20 dias nga paghupot sa rebeldeng grupo.
Sa video nga gipalugwa, gipasalig ni Natividad sa iyang mga ginikanan nga wala siya gipasakitan ug nakaagi sa kalisud sulod sa kampo.
Gawas niini, daghan siya’g nakat-unan nga sukwahi sa nasayran sa publiko gawas sa kampo sa militante.
Una niini, personal nga mi-apelar ang kapikas ni Natividad nga magpadalag video ang pundok aron mapaniguro nga dakung buhi pa ang iyang bana pinaagi sa Bombo Radyo.
Mi-apelar ang dinagit nga pulis kang Presidente Rodrigo Duterte nga ipatuman ang suspension of military operation o SOMO bisan sulod lamang sa usa ka adlaw.
Kini aron maproseso ang iyang pagbuhi pinaagi sa mga third party facilitator.
Mihangyo ang binihag sa New Peopless Army sa iyang hepe sa Police Regional Office nga siya tabangan nga mapalanog ang iyang hangyo sa Malakanyang.
Gi-angkon ni Natividad nga gimingaw na siya sa iyang anak ug pamilya.
