(Update) CAGAYAN DE ORO CITY – Kasuhan sa reckless imprudence resulting into double homicide ug multiple physical injuries ang drayber nga nagmaneho sa trailer truck nga gibanggaan sa Toyota Hi-Lux pick up sa Purok 7,Brgy Taytay, El Salvador City,Misamis Oriental.
Miingon si Police Corporal Arnold Galagnara,imbestigador sa traffic unit sa El Salvador City Police Station nga maoy kasuhan nila si Ernie Apor sa piskalya sa provincial city prosecutor’s office tungod sa hitabo.
Siya miingon nga gisubay lang nila ang proseso ug itugyan na nila sa piskalya kon unsay dangatan sa drayber ilabina nga ang pick-up maoy mibangga diin sakay ang lima ka estudyante nga pulos minor de edad nga mga tinun-an sa Iligan City.
Sumala sa mga saksi, kusog ang dagan sa mga biktima ug kalit mi-overtake hinungdang nga nasugat ang trak rason duha ka diha-dihang nakalas.
Hisayrang padulong sa direksyon sa Cagayan de Oro City ang mga biktima dihang gikasugat nila ang trak nga naglisod paglikay tungod tungod sa kakusog sa Dagan kagahapon sa buntag.
