Patay ang usa ka 35 anyos nga lalaki, samtang 5 ka uban pa ang nangaangol sa nahitabong sunod-sunod nga drive-by shooting kagahapon sa 3 ka dapit sa Kochav Yair, central Israel—duol mismo sa border sa occupied West Bank.
Giila sa Israeli Police ang suspek nga usa ka batan-ong Palestinian nga adunay Israeli citizenship, ug lumad nga residente sa kasikbit nga siyudad sa Tayibe.
Gilayon nga gipusil ug napatay sa mga awtoridad ang gunman human ang mubo nga gukod, diin narekober usab gikan niini ang gigamit nga armas ug sakyanan.
Gawas sa gunman, 1 ka lalaki nga gidudahang kakunsabo ang gidakop sa kapolisan human kini misulay pa og panghasi gamit ang bildo nga botelya sa dihang gikuha sa mga otoridad.
Gikondena na ni Prime Minister Benjamin Netanyahu ang insidente, nga giisip karon sa gobyerno nga usa ka terror attack taliwala sa nagpadayong grabe nga tensyon sa rehiyon
