CAGAYAN DE ORO CITY – Nagtoo ang kapolisan nga biktima sa kidnappping ang pito ka mag-paryente nga taga-Zamboanga del Sur apan nakit-ang gipanglubong-patay sa bukirang bahin sa Sitio Lapao,Brgy Karkum,lungsod sa Sapad,Lanao del Norte.
Kini human walay mga kaila ang maong mga biktima nga unang gipatoo nga pasudlong trabaho sa Cebu City rason nga mibiyahe gikan sa Margostubig,Zamboangan Sur padulong Cagayan de Oro alang sa maong katuyuan niadtong Enero 5 ning tuiga.
Apan nakurat na lang ang mga kabanay sa mga biktima kay pulos na sila patay nga dungan gipanglubong sa Sitio Lapao sa wala pa mailhing mga responsable.
Unang giila ni Sapad Police Station commander Maj. Alibsar Daraba ang mga biktima nga sila Joselito ug Marlyn Gaviola,magtiayon nga pulos nagpuyo sa Zamboanga City ingon man sila Elvi Gaviola ug Epifanio Legara,magtiayon kuyog sa ilang mga anak nga sila Jomar,Jopay ug Epifanio Legara Jr nga gikan usab sa Zamboanga del Sur.
Siya miingon nga gitoohang kalibre 45 armas ang gigamit pagpatay sa mga biktima kinsa naka-posas ug naka-duck tape dihang nakalot sa bangag diin sila dungan gipanglubong niadtong adlaw’ng Domingo.
Samtang gilayon nang gipalubong sa mga kabanay ang patay’ng lawas sa pito ka miembro sa pamilya nga dungan gipangpatay ug sekretong gilubong sa bukid.
Namahayag ang igsoon nga si Wennie Delura nga wala sila’y kasayuran kon nganong gipanghunusan sa kinabuhi ang mga biktima sanglit wala kini nga atraso sa ilang lugar sa Zamboanga del Sur.
Dugang ni Delura nga sabutan una sa ilang mga kabanay kon unsay sunod nga buhaton kay nakurat sila sa maong panghitabo sa miaging semana.
