Mokabat na sa 689 ka lugar ang gibahaan sa Regions 1, 3, ug Calabarzon, sumala sa Office of Civil Defense. Gikan niini, 110 ka lugar ang naa sa Region 1, 545 sa Region 3, ug 34 sa Calabarzon.
Sumala ni Dir. Vicente Gregorio Tomas sa Office of Civil Defense–Disaster Preparedness Service, padayon ang monitoring ug response operations sa mga apektadong lugar.
Nagpadala usab ang National Disaster Risk Reduction and Management Council og kapin sa 10 ka M35 trucks nga adunay bugas, potable water, ug hygiene kits alang sa mga apektadong residente.
Gipadala ni Civil Defense Administrator Usec. Ariel Nepomuceno ang maong mga trucks ngadto sa mga gibahang lugar sa Bulacan, subay sa direktiba ni Presidente Ferdinand Marcos Jr. ug Defense Secretary Gilbert “Gibo” Teodoro. (jane abulag)
