Dili mahadlok ang Department of Social Welfare and Development (DSWD) batok sa mga opisyal sa gobyerno nga hag-as mupatuman sa pagkibhang sa ihatag nga benepisyo sa mga kabus. Kini ang pasidaan ni Roshiel M. Galia, Information Officer sa DSWD Region-10. Miingon si Galia nga adunay gahum ang DWSD nga mupasaka’g kaso sa mga barangay kapitan o mga opisyales sa Barangay LGU kung adunay lig-ong ebidensya nga magpamatuod nga sila mitayupi sa kantidad sa salapi nga alang sa mga benepisyaryo sa Assistance to Individuals in Crisis Situations (AICS) sa rehiyon. Aron ma-aksyonan ang mga kuwestiyonabli nga transaksyon, gi-awhag sa DWSD ang mga reklamante nga mudiretso sa labing dool nga field office sa ahensya aron matabangan sa ilang reklamo. Una niini, gitin-aw ni Galia nga matagam ug masampulan kining mga kurakot nga mga barangay opisyal nga mumani-obra sa pondo sa AICS.
