CAGAYAN DE ORO CITY-Gipasigarbo ni kanhi City Mayor Vicente ‘Dongkoy’ Emano ang giingong pagkab-ot niini sa hustisya batok sa kasong kurapsyon nga nasang-at sa Ombudsman.
Kini human unang gikasuhan si Emano sa tulo ka RTA enforcers gumikan sa pagbalhin kanila sa ilang assignment sa hinterland brgys sa tuig 2013.
Gibutyag ni Konsehal Leon Gan,abogado ni Emano nga ang sunod-sunod nga pagkabasura sa mga kaso niini ang pagpakita lamang nga wala siya’y nahimo nga kasupakan sa balaod.
Sa miaging mga semana,gibasura usab sa Sandiganbayan ang kaso sa Ombudsman batok Emano kabahin sa pagbalhin sa assignment kaniadto ni Leonor Esparcia ning syudad.
