CAGAYAN DE ORO CITY – Itugyan sa Police Regional Office 10 ang hukom sa mga pamilya sa tulo ka pulis nga naligsan-patay kung makig-husay sila sa tag-iya sa trak nga hinungdan sa dugu-ong aksidente sa lungsod sa Tubod,Lanao del Norte sa miaging semana.
Kini human wala pa makahigayon ang mga pamilya sa maong mga pulis pag-atiman sa aksyong-legal batok sa drayber sa maong hitabo.
Miingon si PRO 10 spokesperson Major Joann Navarro nga nagplano ang mga kabanay nga mo-inisyal pagdason sa kaso apan may mga lakang usab ang panig sa agalon sa drayber nga makig-kompromiso.
Kini ang rason nga dili but-an sa PRO 10 ang makab-ot nga hukom sa mga tagtungod kabahin sa ilang mga plano epekto sa hitabo.
Dumduman nga misugat sa agianan sa trak ang motorsiklo hinungdan sa ilang kamatayon niadtong Huwebes Santo sa kadlawon.
Unang giila ang mga namatay nga sila Police Corporals Samanodin Mamarinta Panganting,legal ang edad,minyo-taga Brgy Pened,Poona Piagapo;Juderay Sabate Rubillar,29 anyos,minyo nga residente sa Purok 1,Brgy Abaga, Lala ug Frederick Denn Morales Espra,33 anyos,minyo nga molopyo sa Brgy Taguictic,Kapatagan sa probinsya dihang gika-engkuwentro ang trak.
Naila usab ang suspek nga si Jonre Rosie Banuelos,34 anyos nga taga-Clarin,Misamis Occidental nga unang detinado sa human hitabo.
