Engr Alcantara, mi-angkon nga walay direktang kontak kang Sen Estrada ug Villanueva

Gitug-an ni Engr Henry Alcantara ang modus nilang duruha ni  kanhi  DPWH Undersecretary Roberto Bernardo. 

Usa niini ang proyekto nga unang gi-akusar ni Engr Brice Hernandez nga 350-Milyon nga flood control alang kang Senador Jinggoy Estrada. 

Gitataw ni Alcantara nga siya ang naglista aron muhimog "proponent" sa proyekto sa nasampit nga kantidad para kang Estrada. 

Ang proponent bahinon sa proyekto sa senador ug ang  25% sa total project cost ang ihatag isip kickback o “proponent share.” 

Bisan pa niini, gi-klaro ni Alcantara nga wala siya’y direktang contact ni Estrada ug ang tanang transaksyon giagi ra kang Bernardo

Sa pikas bahin, gitin-aw usab ni Engr Alcantara nga multipurpose building ang gipangayo ni Senador Joel Villanueva ug walay kasayuran ang senador nga ang pondo alang sa gambalay, gikuha gikan sa flood contro.