CAGAYAN DE ORO CITY – Sulbad na alang sa kapolisan ang kasong pagpanunggab-patay sa ex-convict diha sa Purok 5,Naga Puerto ning syudad.
Giila ni Puerto Police Station commander Police Maj Peter Tajor ang biktima nga si Robinson Claros nga nagpuyo samtang ang suspek nga si Elmer Saburao nga residente sa maong lugar.
Namahayag si Tajor nga nasuko ang suspek kay sige kini kilkilan sa biktima pagpangpalit sa ilimnon hinungdang nag-resulta sa dugu-ong hitabo.
Gibutyag ni Tajor nga kasong murder ang ipasaka nila batok sa suspek sa piskalya ning adlawa.
Una usab niini,giangkon sa suspek nga napukaw ang iyang kasuko gumikan sa pag-abusar sa biktima ngadto kaniya.
Alegasyon sa suspek nga mismo ang biktima ang nagpatay usab sa iyang amahan sa miaging katuigan sa Davao Penal Colony (DAPECOL).
Hisayrang nakaankon sa tulo ka dinunggabana sa tiyan sa kutsilyo ang biktima hinungdan sa kamatayon niini.
