CAGAYAN DE ORO CITY – Gipangita karon sa kapolisan ang suspek nga utok sa pagpalusot sa smuggled cigarettes samtang gilusad ang operasyon sa Zone 3,Brgy Bulua ning syudad.
Giila ni Police Regional Office 10 Director Brig Gen Lawrence Coop ang suspek nga si Vhan Maddun Tammany kinsa at-large pa ning panahona.
Miingon ang heneral nga anaa sa 750-mil pesos ang balor sa maong mga ismagol nga sigarilyo.
Mag-atubang sa kasong pagsupak sa Republic Act 11346 ubos sa Section 263 ang suspek sa piskalya ning syudad.
Kabahin sa nakompiskar ang mga sigarilyo nga 2M-Black Menthol, 2M-Red Blend, San Diego, Berlin ug Fort.
Mismo ang Regional Special Operations Group nga ubos sa PRO 10 ang naglusad sa operasyon batok suspek.
