Human gi-deklarar sa US Supreme Court niadtong Biyernes nga milapas sa iyang awtoridad si President Donald Trump sa dihang iyang gigamit ang balaod aron magpatuman sa dagkong taripa batok sa halos tanang trading partners sa US.
Nagpasaka ang Federal Express Corporation (FedEx) sa kaso ngadto sa US Court of International Trade aron makapangayo sa refund sa mga International Emergency Economic Powers Act (IEEPA) duties nga ilang nabayran.
Matod sa kompanya nga nakasinati sila sa kadaot tungod sa taripa samtang nag-import sila sa mga produkto gikan sa mga nasud nga naapektuhan sa maong balaod.
Sumala sa ilang quarterly reports, gipaabot sa FedEx nga ang epekto sa taripa mahimong mokubra sa $1-bilyon sa fiscal year 2026. (Phillip Ariata)
