CAGAYAN DE ORO CITY – Gipaniguro kagamhanang-probinsyal ubos ni Misamis Oriental Gov. Peter Unabia nga dili ma-dehado ang kahimtang sa katawhan sa gisudlan nga JOINT VENTURE AGREEMENT tali sa kompanyang A Brown Incoporated.
Kini bisan kon molungtad sa taas nga katuigan ang JVA diin ibubo sa maong kompanya ang ilang pamuhunan pinaagi sa katukuran sa ubay-ubay’ng commercial structures sulod sa kayutaan nga iya sa kapitolyo probinsyal.
Miingon si Unabia nga dili mahitabo nga madiktahan sa A Brown Company ang kagustuhan sa probinsya bisan sa kasabutan nga nasudlan niini.
Gidahom sa gobernadora nga daghang trabaho ang mahatag ngadto sa katawhan sa lalawigan ug syudad ang magsugod na sa dili madugay nga JVA sa duha ka panig.
Hisayrang kabahin sa tinguhang tubagon sa gisudlan sa maong multi-billion investment ang pagkab-ot sa single digit poverty incidence nga pabiling suliran sa probinsya.
