Namatay na sa edad 47 ang labing unang bay-ot nga magdudula sa NBA nga si Jason Collins.
Namahayag ang pamilya sa basketbolista nga wala na makasugakod ang lawas sa ilang anak human kini nakigbisog batok sa stage 4 glioblastoma. Usa kini ka klase sa agresibong brain cancer.
Unang gi-anunsyo ni Collins nga siya nagsakit sa cancer niadtong Disyembre 2025. Bisan pa sa chemotherapy ug radiation treatment, lakip na ang pagbiyahe sa Singapore aron mosulay sa bag-ong pamaagi sa pagtambal, mibalik gihapon ang sakit ug kini maoy nakapahuyang sa iyang lawas.
Sa iyang 13 ka tuig nga karera sa NBA, nagdula siya alang sa daghang teams sama sa New Jersey Nets, Boston Celtics, ug Washington Wizards, ug nahimong simbolo sa kaisog sa dihang gipahibalo niya sa 2013 nga siya usa ka gay athlete
