CAGAYAN DE ORO CITY, Philippines- Misaka pa sa 205 ang patay sa grabeng pagbaha ug pagdahili sa yuta sa Nepal.
Mipasalig ang Nepali government nga mutunol sila sa 200,000 Nepali rupees o 1,497 U.S. dollars agig compensation sa mga pamilyang namatyan gumikan sa walay hunong nga Monsoon Rains.
Sugod ning adlawa, gideklarar sa gabinete sa Nepal ang tolo ka adlaw sa pagbangutan o Three Days of Mourning alang sa mga biktima sa kalamidad.
Namahayag si Minister for Communication and Information Technology Prithvi Subba Gurung nga dili undangon sa ilang gobyerno ang pagpangita sa kapin gatus pa nga missing sukad mibubo ang kusog nga pag-ulan sa ilang nasud sulod na sa 10 ka adlaw.
