CAGAYAN DE ORO CITY – Patay nang nahidangat sa ospital ang suspected criminal nga unang miambak sa police patrol sa Barangay Dologon sa lungsod sa Don Carlos,Bukidnon.
Gibutyag ni Bukidnon Provincial Police Office Director Col Ruel Lami-ing nga gikan gikasuhan ang biktima sa frustrated murder sa prosecutor’s office dihang pag-uli,kalit milukso sa patrol.
Giila ni Lami-ing ang biktima nga si Joseph Saba,26 anyos nga nagpuyo sa maong lugar.
Gitoohan nga nabundak ang ulo sa biktima hinungdang patay na nga nakaabot sa ospital.
Subay sa findings ni Dr Marvin Ares Cabigas sa Bukidnon Provincial Hospital nga nakasinati sa severe traumatic head injury secondary to fall si Saba nga hinungdan sa iyang kamatayon.
