Alarming na ang kondisyon sa gidak-on sa utang sa Pilipinas. Kini ang gibutyag ni Dr. John Vianne Murcia ang Director on Institution Research Development Office – Jose Maria College Foundation – Davao City.
Sa exclusive interview sa BOMBO RADYO, mipasabot ang ekonomista nga dili maayo ang taras nga paspas kaayo ang pag-utang sa gobyerno apan, hinay ang bayad.
Gani, sulod lang sa usa ka bulan, sukad napagawas ang P18.4-Trillion nga utang sa Pilipinas, natubuan na usab sa 1.8% ang utang sa nasud sulod lang sa usa ka bulan.
Hinoon, gipasabot ni Dr Murcia nga ang pagsaka sa utang nasud adunay dakung koneksyon sa paghinay sa bili sa piso sa World Market dihang mibutho ang gubat sa Middle East kundiin, mihinay ang supply sa lana ug nagmahal ang presyo niini sa global nga merkado.
Gani, bisan naghatag na sa signal ang ekomoniya nga lisud ang pagbayad sa utang, maoy nakapasamot niini ang gamay nga koleksyon sa kinitaan gikan sa mga buluhisan ug gisamutan pa sa lapad nga corruption issue nga gisagubang sa gobyerno.
