CAGAYAN DE ORO CITY – Giukoy pa gihapon sa intelligence operatives sa Cagayan de Oro City Police Office o COCPO ang usa ka kargador sa shipping lines nga gitudlong suspek paglugos-patay sa 18 anyos sa Mambato,Agora, Brgy Lapasan ning syudad kagahapon sa buntag.
Kini human nakugang ang katawhan nga ngilngig nga gipatay ang biktima nga si Diana Jane Erbit nga taga- Sultan Naga Dimaporo,Lanao del Norte nga gitoohang gilugos una sa suspek ayha gipatay ug gilubong sa lapok nga bahin sa lugar.
Miingon si Agora Police Station 3 commander Capt Amier Naifh Patron Maruhom nga gipalihok na nila ang ilang mga operatiba aron masikop sa pinakadali nga panahon ang suspek nga si Sanny Boy Ratunil,62 anyos nga si alyas Boy Tangkong nga nagpuyo sa lugar.
Siya miingon nga mihimo pa sa dugang imbestigasyon ang iyang mga imbestigador aron mahan-ay ang tukmang kaso nga ihandos batok sa naka-eskapo nga suspek.
Una niini,adunay pipila ka testigo nga gikalalis pa sa biktima ang suspek sa payag niini nga nagadala’g sundang.
Hisayrang giukay una sa pipila residente ang ilawom nga bahin sa tangkungan ayha nabangalan ang patay’ng lawas sa biktima.
Gisugyot nga ipaubos sa otopsiya ang patay’ng lawas aron masuta kung unsay rason sa kamatayon sa biktima nga kasamtangang gihaya sa punerarya ning syudad.
