CAGAYAN DE ORO CITY – Dili angay magsalig ang katawhan sa nagkadaiyang buhatan sa gobierno kabahin sa ilang seguridad apan mismo sila ang mohimo sa pagbantay niini.
Kini ang apelar ni City Mayor Rolando ‘Klarex’ Uy kabahin sa nagsingabot nga mga kalihukan nga adunay kalambigitan sa Pasko ug pagsugat sa bag-ong tuig.
Miingon ang mayor nga kon mahimo alerto sa tanang higayon ang katawhan dili lang sa pasko aron mas maka-pokus pa ang mga otoridad sa daghan nila nga mga gimbuhaton.
Gihinaut ni Mayor Klarex nga unta walay dagkong dili maayong hitabo samtang pasulod ang syudad sa kapaskuhan diin gibuksan na ang Symphony of Lights and Pyro Musical sa Gaston Park ning syudad karong gabii.
