CAGAYAN DE ORO CITY – Gitahasan ni City Mayor Rolando ‘Klarex’ Uy ang konseho nga mohimo’g special session aron mopasar sa resolusyon sa pagsunod sa administrative order no. 27 nga nagmando paghatag sa 20-mil pesos nga service recognition incentives o SRI sa matag-empleyado sa city hall.
Kini human nagmando si Pres Bongbong Marcos pinaagi kang Executive Secretary Lucas Bersamin nga kutob lang sa Disyembre 15 ang paghatag sa SRI funds ngadto sa city hall employess.
Apan miingon si Mayor Klarex nga angayang moagi unta kini sa proseso sanglit kalit ang kamanduan ug pangitaan pa sa alokasyon.
Hisayrang gawas sa govt civilian employees nga makakuha sa SRI, apil usab niini ang military govt personnel.
