CAGAYAN DE ORO CITY – Himua’g aksyon sa Comelec-MisOr ang iduso nga opposition complaint sa incumbent officials batok sa kalit pagdagsang sa mga botante gikan sa pipila ka bahin sa Misamis Oriental padulong sa lungsod sa Villanueva.
Kini human unang gipalanog nila ni incumbent Villanueva Mayor Jenny Uy ug Vice Mayor Jeric Emano nga kuwestiyonable ang dili ordinaryong pagpangabot sa mga tawo nga dili taga-lungsod apan nagpa-rehistro.
Miingon si MisOr Provincial Election Supervisor Atty Carlito Ravelo nga dunay igong panahon nga ihatag niini ang election registrion board aron sulbaron ang maong isyu.
Una niini,nagduda sila si Uy ug Emano nga binuhatan kini sa ilang kaatbang sa politika aron mapasayon ang pagdaug sa 2025 elections.
Hisayrang kining nahitabo sa Villanueva, halos susama sa senaryo sa mga botante sa syudad ug uban bahin sa Misamis Oriental nga kalit namalhin sa ilang rehistro sa Brgy Carmen sa miaging mga bulan.
