CAGAYAN DE ORO CITY – Nalata ang ulo sa usa ka lolo human malatayan sa prime mover truck diha sa Zone-4 Brgy Katipunan,Villanueva, Misamis Oriental kagahapong adlawa.
Giila ni Staff Sargeant Julius Lacadin, traffic investigator sa Villanueva Police Station ang namatay nga si Moises Corselles delos Santos, 54-anyos ug residente sa Tagoloan ning lalawigan.
Miingon si Lacadin nga subay sa nakuhang CCTV footage, nasaghiran ang biktima sa truck nga gimaneho ni Ricardo Naguio, 66-anyos, residente sa Brgy Cugman samtang nagsakay sa iyang motorsiklo hinungdan nga naligsan kini.
Mag-atubang sa kasong reckless imprudence resulting to homicide ug damage of property si Naguio kinsa detinado na sa bilangguan.
