Gitudlo isip opisyal nga Chief Minister sa Bangsamoro si Abdulraof “Sammy Gambar” Macacua human niini makakuha og 51 ka boto sa gipahigayong piniliay sa parlamento karong adlawa, Oktubre 30, 2026.
Ang maong makasaysayang kadaugan kay mitapos sa pito ka tuig nga transition governance, nga pormal nga nagtimaan sa pagbalihin gikan sa gitudlong interim authority, ang Bangsamoro Transition Authority (BTA), ngadto sa usa ka regular ug demokratikong gipili nga rehiyonal nga kagamhanan, subay sa Bangsamoro Organic Law (BOL) o Republic Act No. 11054.
Mahinumdoman nga giratipika ang Ang Bangsamoro Organic Law niadtong tuig sa 2019, diin natukod ang BARMM isip bunga sa dekada na nga mga negosasyon alang sa kahusay tali sa kagamhanan sa Pilipinas ug Moro Islamic Liberation Front (MILF) nga nagtinguha sa paghatag og mas lapad nga awtonomiya ug kaugalingon paghukom sa mga katawhan sa Bangsamoro.
Gipildi ni Macacua si kanhi interim chief minister “Al Haj Murad” Ebrahim nga nakakuha lang og 27 ka boto gikan sa 80 member Bangsamoro Parliament. (raniel mahunyag)
