Walay nakitang civil registry record sa Philippine Statistics Authority alang sa pangalang “Mary Grace Piattos,” sumala sa testimonya ni PSA Assistant National Statistician Marizza Grande sa Senate Impeachment Court.
Ang maong ngalan usa sa mga nakalista sa acknowledgment receipts nga gilambigit sa confidential funds sa Office of the Vice President.
Matod sa PSA, walay birth, marriage, o death record nga makita sa ilang Civil Registry System database nga nagtugma sa maong pangalan.
Ang maong verification gipresentar isip kabahin sa ebidensya sa kaso may kalabotan sa giingong iregularidad sa paggamit ug liquidation sa confidential funds.
Apan ang pagkawala sa civil registry record sa PSA dili awtomatikong pamatuod nga peke o wala naglungtad ang maong tawo.
