Gikumpirma ni Comelec Chairman George Erwin Garcia nga luwas ang tanang personahe ug walay natalang dakong danyos sa ilang mga buhatan human sa natigayong kusog nga linog.
Gilayong gisusi sa komisyon ang kahimtang sa mga rehiyon ug mga kagamitan aron masiguro nga luwas ang tanan ug hapsay ang dagan sa ilang operasyon.
Sa pagkakaron, nakatutok una ang ahensya sa pagpaabot og dinalian nga hinabang ngadto sa mga naapektuhan sa kalamidad.
Giuna pag-atiman sa Comelec ang mga hilit nga dapit nga hangtod karon lisod pa gihapon maabot sa mga relief operations.
Tumong niini nga daling matubag ang panginahanglanon sa mga biktima samtang nagpadayon ang kinatibuk-ang assessment sa maong trahedya.
