(Update) CAGAYAN DE ORO CITY – Pursigido ang mga pamilya sa namatyang mga menor de edad nga mokaso batok sa trailer truck driver sa piksalya ning syudad.
Kini subay sa pinakaulahi nga impormasyon nga nakuha sa Police Regional Office 10 headquarters gikan sa El Salvador City Police Station diin maoy nag-imbestigar sa ngilngig nga aksidente kagahaponsa buntag.
Gibutyag sa Bombo Radyo ni PRO 10 spokesperson Major Joann Navarro nga kursonada daw ang mga kabanay sa mga biktima moduso’g mga kaso batok sa drayber nga si Ernie Apor tungod sa hitabo.
Siya miingon nga gisubay lang usab nila ang proseso nga maduso ang kaso kay adunay mi-reklamo epekto sa kamatayon sa duha sa ka menor de edad nga pulos lalaki nga taga- Iligan City.
Una nang namahayag si Police Corporal Arnold Galagnara,imbestigador sa traffic unit sa El Salvador City Police Station nga kasong reckless imprudence resulting to double homicide,multiple physical injuries ug damyos sa sakyanan ang ikaso nila batok kang Apor.
Hisayrang anaa sa ensaktong dalan nagsubay ang trak dihang gisungag pagkalit sa pick-up vehicle kagahapon sa buntag.
