Giregalohan ni talent manager ug comedian Ogie Diaz og ₱1 milyon ang iyang anak nga si Erin Diaz alang sa iyang ika-25th birthday.
Gituman ni Ogie ang iyang saad nga hatagan og maong kantidad ang iyang mga anak kung moabot sila sa edad nga 25 nga wala pa maminyo ug wala pay anak.
Matod ni Ogie, gusto niyang ma-enjoy sa una iyang mga anak ang ilang pagkabatan-on ayha sila mosulod sa responsibilidad sa kaminyoon ug pagkaginikanan.
Hisayran nga giplano ni Erin nga gamiton ang ₱1 milyon isip puhunan sa pagpatukod sa coffee shop.
Gipakita sa vlog ni Erin ang paghatag sa regalo, diin emosyonal niyang gidawat ang kantidad isip suporta sa iyang amahan sa iyang mga plano alang sa kaugmaon.
