CAGAYAN DE ORO CITY-Giakasuhan ni City Mayor Oscar Moreno ang mga alyado ni kanhi Mayor Vicente ‘Dongkoy’ Emano sa konseho nga utok sa isyu aron dauton ang maong katuyuan sa sanitary landfill sa Brgy Pagalungan ning syudad.
Kini human namugos si Moreno nga nagpaggamit si San Simon Brgy Kap Rodolfo Nacario sa oposisyon sa konseho aron himua’g isyu ang presensiya sa basurahan sa maong lugar.
Una nang nagpasar sa resolusyon ang konseho sa Brgy San Simon tungod sa reklamo sa pipila nila ka mga residente nga natakbuyan sa sakit sa pamanit epekto sa ‘duga’ sa mga basura gikan sa maong basurahan.
Samtang, gi-depensa ni Brgy Kap Nacario ang ilang pagduso’g resolusyon diin nagyagyag sa gidangatan sa ilang sapa nga giingong giagian sa ‘duga’ gikan sa basurahan sa Pagalungan ning dakbayan.
Miingon siya nga gihimo lamang nila ang ilang trabaho subay sa gipabati nga reklamo sa pipila sa mga residente niini.
Gibutyag ni Nacario nga katuyuan sa ilang aksyon nga gihimo nga matawag ang atensyon sa mga ahensiya sa gobierno aron sutaon ang tinud-anay nga nahitabo sa pipila ka residente nga nakasinati sa mga pagpangatol sa kalawasan niini.
