CAGAYAN DE ORO CITY – Wala na kahuman pagbugha’g mga kahoy pangsugnod ang Misamisnong amahan kay patay nang nahidangat sa ospital sa lungsod sa Kinoguitan,Misamis Oriental.
Kini human nabanggaan sa van nga gimaneho ni Abdulgafur Cassan nga residente sa Marawi City ang biktima nga si Aristo Ebdao,59 anyos nga taga-Brgy Panabol tungod sa pagsimang sa laing road lane sa highway sa lugar.
Sa inisyal nga imbestigasyon, unang gisungag ni Cassan ang nakaparadang sakyanan ug milahos sa lokasyon ni Ebdao rason nadaro pag-ayo.
Sa pagkutlo ning balita, kasamtangang giimbestigaran pa sa kapolisan ug mag-atubang sa kasong kriminal ang drayber kon walay makab-ot nga panagsabot sa panig sa pamilya sa namatay’ng biktima.
Hisayrang padulong sa Cagayan de Oro City van driver nga si Cassan dihang natigayon ang aksidente kaganihang buntag.
