CAGAYAN DE ORO CITY-Nagsilbi nang “dry run” sa kapolisan ang epektibong security plan sa umalabot nga kasaulugan sa pasko ug bag-ong tuig ang gipatuman seguridad nga ilang nahatag atol sa adlaw sa mga santos ug kalag-kalag sa syudad.
Miingon si C/Insp Mardy Hortillosa,tigpamaba sa Cagayan de Oro City Police Office o COCPO nga gipangandaman nila’g tuyo ang duha ka mga dagkong okasyon kay gilauman nilang mahitabo ang dagkong krimen sa syudad.
Dugtong niini, gikompirmar sa COCPO nga all set na ang security plan para sa bulan sa Disyembre ilabe na kung hisgutan ang pakigbatok sa mga street roberry, crimes against property sama sa lungkab sa balay, tulis, pagkatag sa peke nga kwarta, ug pagpangilad.
Samtang alerto na usab ang kapolisan kauban ang friendly forces sa lalawigan sa Misamis Oriental.
Gibutyag ni Sr/Insp Captain Corinne Mae Estigoy, tigpamaba sa Misamis Oriental PNP alayon kini sa kasaulugan sa kapaskuhan ug pagsugat sa bag-ong tuig.
Partikular nga gihatagan nila’g prioridad ang pagsiaw sa mga kriminal nga responsable sa mga tulis ug pagpangawat.
Una niini,gipasigarbo ni Estigoy nga nahatagan nila sa hugot nga seguridad kuyog ang militar ang katawhan atol sa pagdumdom sa adlaw sa mga santo ug kalag ning semanaha.
