CAGAYAN DE ORO CITY, Philippines – Nagpagawas na sa regulasyon ang Metro Manila Development Authority (MMDA) aron mapug-ngan ang pagsaka sa ihap sa mga tawong matakbuyan sa leptospirosis.
Base sa report sa Department of Health, misaka pa sa 1,444 ang natakbuyan sa maong sakit ug 162 na ang patay.
Kasagaran niini nahitabo sa pag-igo sa Bagyong Carina ug Habagat sa bulan sa Hulyo. Busa aron malikayan ang subling pagsaka sa kaso, gidili na ang paglangoy, pagpati-ulan, ug paglugsong sa baha, ilabe sa mga dagkung dalan sa Metro Manila.
Dakpon sa MMDA ang mga masapon nga musupak sa ilang regulasyon.
Gidayeg sa DOH ang bag-ong palisya sa MMDA.
