CAGAYAN DE ORO CITY-Gibasol karon ni opposition Kag Leon Gan si City Mayor Oscar Moreno kon nganong naselyohan ang bag-ong kontrata sa panubig tali Cagayan de Oro Water District ug Metro Pacific Investments Corporation.
Kini bisan sa ka mahal sa presyo sa ibaligya nga tubig sa MetroPac nga 16 pesos per cubic meter ngadto sa COWD.
Namugos si Gan nga isip mayor,may katungod si Moreno nga masusi ang kontrata sa duha ka business entity pagsiguro nga dili disbintaha alang sa mga konsumante ning syudad.
Una nang namahayag ang COWD nga hayan ning tuiga,dili na mag-suplay kanila sa tubig ang Rio Verde Water Consortiom tungod sa giingong depektoso nga kontrata niini.
Samtang namugos si Moreno nga ang pagpasagad ni Emano ang hinungdan nga misamot sa suliran sa panubig sa tubig ning syudad.
Kini human napugos pagpangita’g laing water supplier ang Cagayan de Oro Water District tungod sa depektoso nga kontrata nga gisudlan tali sa Rio Verde Water Consortiom.
Gihimo ni Moreno ang pahayag dihang gitumbok kini ni Kag Leon Gan nga mipasagad aron mapirmahan ang bag-ong kontrata sa Metro Pacific Water Corporation diin mobaligya’g 16 pesos per cubic meter sa tubig sa COWD.
Si Moreno ug pipila ka opisyal sa konseho ang misaksi sa pagpirmahay sa kontrata tali COWD ug MetroPac sa kauluhan sa miaging mga bulan ning tuiga.
Dugtong niini,susihon sa komitiba ni Kag Bong Lao, chairman sa public utilities sa konseho ning syudad ang giingong confidential nga findings sa Commission on Audit tali sa kontrta sa COWD ug Rio Verde Water Consortiom.
Kini ang hinungdan nga nangita’g bag-ong water supplier ang COWD diin nakig-pirmahay’g kontrata sa Metro Pacific Investments Corporation.
Nadiskobre kini ni Lao dihang mismo si COWD General Manager Engr Rachel Beja ang nagbutyag niini
dihang gipatawag sila sa konseho sa miaging semana.
Kini ang rason imbitaron nila ang duha ka kongresista sa syudad aron pugngan ang bag- ong kontratang gisudlan sa COWD ug MetroPac diin nalatid ang 16 pesos per cubic meter sa ibaligya nga tubig sa sunod nga mga katuigan.
