CAGAYAN DE ORO CITY – Naka-kustodiya na sa kapolisan ang 25 anyos nga gitudlong responsabli nga midunggab-patay sa motor backrider nga ilang gikalalis tungod lang sa ‘one way’ traffic diha sa Capt Vicente Roa Street ning syudad kaganihang kadlawon.
Giila ni Cogon Police Station deputy commander Police Lt Capt Lowell Estampa ang namatay’ng biktima nga si Anthony Brian Matunhay nga taga-Brgy Bulua ning syudad.
Samtang giila usab ang suspek nga si Robert Carl Francisco,23 anyos,ulitawo nga nagpuyo sa Acacia Street,Brgy Carmen ning syudad.
Napugos pagtahan ang suspek kay gusto usab niini hatagan sa katin-awan ang hitabo.Namugos ang panig sa mga kauban sa biktima nga sila ang giunhan sa grupo sa mga suspek.
Apan depensa ni Francisco nga sila ang gisunod-sunuran sa motorsiklo ug gitabunga’g kulata hinungdan sa duguong karambola.
