Dili heat index ang hinungdan sa pagpanakit sa tiyan sa mga atleta gikan sa Region 8, kondili tungod sa ilang gikaon nga PAN-OS nga pack lunch human sa dula. Gitin-aw ni Palarong Pambansa Secretary General Usec. Malcolm Garma nga nadayagnos ang mga pasyente sa mild form of acute gastroenteritis nga miresulta sa diarrhea.
Subay sa gilusad nga imbestigasyon, nasuta nga ang pagkaon nga gidala sa mga atleta gikan sa ilang billeting quarters sa Santa Irene ang hinungdan sa problema.
Napamatud-an usab nga mismo ang mga atleta ang mi-angkon nga wala nila kan-a ang pagkaon sa dihang kini gipang-apud ug ila kining gikonsumo pagbalit na sa ilang belliting quarters.
Naalibyuhan ang stomach discomfort sa mga atleta ug nahatagan na sa oral rehydration. Nakarekober na ang mga pasyente human sa insidente ug nakabalik na sa ilang dula
