Gi-usa-usa ni Presidente Ferdinand Marcos Jr., ang mga requirement, alang kaniya, aron mupasar ang usa ka kandidato sa posisyon sa pagka-presidente sa 2028.
Gihimo sa pangulo ang pahayag sa ASEAN Editors and Economic Opinion Leaders Forum sa Makati City, kagahapong adlawa.
Mingon si Marcos nga ang kinahanglanon nga abilidad mao ang kusog nga pagsabot sa economics, tungod kay kini mao’y pundasyon sa daghang kritikal nga isyu sa nasud.
Kinahanglan usab adunay kahibalo ang usa ka lider sa supply sa pagkaon pinaagi sa palig-onon ang local production.
Siya miingon nga ang lider kinahanglan kabalo sa macro ug microeconomic principles kay importante masabtan kung unsaon pagpalihok sa ekonomiya ug pag-atubang sa global nga mga krisis.
Ang lider kinahanglan kabalo unsaon pagpalambo sa industriya ug agrikultura aron makahatag sa daghang oportunidad sa trabaho.
Ang pagdani sa foreign investment ug suporta sa MSMEs (micro, small, and medium enterprises) usa ka dakong bahin niini.
