Grasya sa Kahitas-an ang pagbaton sa trabaho ni Bernard Bucton human kini nadawat sa trabaho sa City Hall.
Si Bucton, kinsa na-aksidente sa dalan sa El Salvador City ang na-comatose human gideklarar sa mga doktor nga nadamyos ang ilang ulo gumikan sa nahiagom nga brain injury.
Gani, niadrong tungura, gisuginlan pa ang pamilya ni Bucton nga kutob nalang sa upat ka bulan ang iyang pagkabuhi samtang nakoma.
Apan milabay ang lima ka tuig, buhi pa si Bucton ug nahimong miyembro grupo sa mga Persons With Disability o PWDs ning syudad.
Taliwala sa iyang mga pag-antos sa milabay’ng mga tuig, dala sa iyang kasilik-an, si Bucton naninguha nga maka-apply sa trabaho sa City Hall pinaagi sa bag-uhay lamang nga paglusad sa Persons With Disability (PWD) Job Fair, alayon sa selebrasyon sa 47th National Disability Rights Week, ning syudad.
Nadawat on the spot si Bucton sa job fair nga giorganisar ug gipasilitar Job Placement Bureau – Public Employment Service Office (JPB-PESO), kauban ang Persons with Disabilities Affairs Office (PDAO), City Social Welfare and Development (CSWD) Department – PWD Section, ug ang Department of Labor and Employment (DOLE) Region X.
Usa lamang si Bucton sa gatusang mga PWDs nga nakabenepisyon sa gikomitar nga inclusive employement ubos sa administrasyon ni Mayor Rolando Klarex Uy.
