CAGAYAN DE ORO CITY – Giangkon ni NBI-10 regional director Atty Patricio Bernales nga ilang ipaubos sa makuti nga imbestigasyon ang govt officials nga makit-ang miembro sa illegal investment scam nga KAPA – Community Ministry International Inc.
Siya miingon nga aduna sila’y nakuha nga libuang membership forms sa KAPA apan ila unang sutaon kon tinood nga miembro kini sa maong organisasyon.
Asoy ni Bernales nga ilang nakita sa mga dokumento nga ilang narekober nga miabot sa P800,000 ang pinakadako nga nag-invest sa KAPA.
Dugang niini nga ilang sutaon kon asa karon napadulong ang maong salapi ilabina nga nagpaggawas na’g freeze order ang Court of Appeals sa tanang kabtangan sa KAPA.
